Gibutyag ni Police Major Catherine Dela Rey, Spokesperson sa DCPO, naidentipika ug nakasuhan na nila ang tanang suspek nga gitudlong mga responsable sa mga rape cases sa dakbayan.
Matud ni Dela Rey, sa 144 ka mga rape suspects, 47 ang nadakpan na diin napulo kanila mga Children in Conflict with the Law, 90 ang nagpabiling at large, usa ang na-neutralize, duha ang na-turn over sa rehabilitation center, usa ang na-release samtang 3 patay na.
Sa imbestigasyon sa DCPO-Women and Children Protection Desk, sa 144 rape cases, 41 niini ang incestuous kun kadugo ra sa biktima ang mga suspek ug ang 109 nga mga suspek kaila ra sa mga biktima.
Sa suspects profile nga gipagula sa DCPO, nag edad 26-37 anyos ang pinakadaghan sa ihap sa mga rape cases diin sagad kanila wala usab mga trabaho.
RadyoMaN Aimee Guinita
