General Santos City—Patay ang 15 anyos nga minor de edad nga nailang si Harmon Malangca, residenti sa EMB Homes, Barangay Labangal, Gensan human kining gipusil sa wala pa mailhing suspek, gawas nga bahin sa Internet café sa maong lugar, samtang samdan ang usa ka Sahani Bago, nanag-iya sa maong internet café human nadamay alas 9:00 ang takna sa gabie.
Subay sa report sa Police Station 2 nasayran nga anaa nagdula sulod sa Internet café ang biktima dihang kalit lang dunay misulod nga usa ka lalaki nga nakatabon ang nawong. Kalit gibira ang biktima pagawas na establishemento dayon gipusil igo sa ulo nga hinungdan sa iyang kamatayon.
Naigo usab sa bala nga alang unta sa bitkimaang tag-iya sa internet café nga si Bago kansa nakaangkon ug samad sa iyang tiil nga bahin. Paspas nga misibat ang suspek sakay sa naghuwat nga motorsiklo dili layo sa crime scene.
Sa karon nagpadayon pa ang gihimong imbistigasyon kalabutan sa insidenti ug ginasuta kung si kinsa ang mga suspek ug kung unsa ang motibo sa maong krimen.
