Ito ang inihayag ni Dagupan City Mayor Belen T. Fernandez matapos hilingin ng mga stallholder na tuluyang alisin ang kanilang renta para sa buong buwan ng Agosto.
Ayon sa mga vendor, malaki ang ibinaba ng kanilang kita dahil kakaunti ang mga mamimiling nagtutungo sa palengke kasunod ng mga pagbaha.
Sinabi ni Fernandez na maaaring maglaan ang lungsod ng rental subsidy na aabot sa 15 araw. Gayunman, kailangan pa itong wqqisalang sa Sangguniang Panlungsod para sa kaukulang pag-apruba.
SOT: MAYOR BELEN T. FERNANDEZ
CITY OF DAGUPAN
Hindi lamang mga vendor ang sinabing naapektuhan ng pagbaha.
Ayon sa alkalde, ramdam din ang epekto nito ng mga transport worker at construction worker, na kabilang sa mga sektor na nakaranas ng pagbaba ng kita.
Gayunman, kailangan umanong timbangin ng lungsod ang kakayahan nitong magbigay ng dagdag na ayuda dahil mayroon ding regular na gastusing kailangang tugunan, kabilang ang bayarin sa kuryente.
SOT: MAYOR BELEN T. FERNANDEZ
CITY OF DAGUPAN
Matatandaang umapela ang mga stallholder sa Sangguniang Panlungsod para sa kanselasyon ng kanilang renta sa buong buwan ng Agosto, bunsod ng pagkalugi na kanilang naranasan dahil sa pagbaha.
Sa ngayon, hanggang 15 araw na rental relief ang nakikitang posibleng solusyon ng lokal na pamahalaan habang hinihintay ang magiging aksiyon at pag-apruba ng konseho. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
