Puluy-an sang 9 tubtub 15 ka pamilya sa Brgy. Banago ang gin-seal off sini nga adlaw matapos nga may duha ka residente diri ang nag-positibo sa coronavirus disease.
Suno kay Brgy. Banago Punong Barangay Ricky Mijares Sr. nga ini siya ang nakabaton sang tawag halin sa Bacolod Inter Agency Task Force nga may isa ka nag-positibo nga taga Purok Mahimulaton Zone 5.
Ini siya amo ang pasyente nga na-admit sa Doctor’s Hospital nga nagtaliwan sang Miyerkules kag gilayun nga gin cremate.
Samtang ang ikaduha naman nga pasyente amo ang 22 anyos nga lalaki nga taga-Purok Riverside Zone 3, LSI halin sa Manila.
Ini siya ang ginkuha na sang mga katapo sang Bacolod IATF kagab-I upod sa iya pamilya kag gindala sa quarantine facility sang ciudad.
Sa karon padayon naga-apelar si PB Mijares sa pumuluyo nga indi mag-panic, tig-aylo magsunod sa health protocol kag magpangamuyo para sa mga pasyente kag sang ila barangay.
[image: image.png]
