Mokabat sa 45 ka plastic containers nga dunay sulod 15 ka sakong bugas humay ang na-recover sa mga sundalo sa 1st Special Forces Battalion.
Matud ni 4th ID Spokesperson Lt. Tere Ingente nga kini ubos sa 403rd Infantry Brigade didto duol sa Sitio Mahusay, Barangay Dominorog, Talakag, Bukidnon mga alas 5:30 sa buntag niadtong Miyerkules.
Gibutyag ni Ingente nga ang tropa sa 1st Special Forces Battalion, naglunsad sa ilang security patrol sa maong dapit sa dihang ilang nadiskobre ang maong mga pagkaon nga gitohoang gitagoan sa mga rebeldeng New Peoples Army kon N-P-A aron ilang ikonsumo sa kabukiran sa ilang nagpadayon nga pakig-away sa gobyerno.
Matud ni Brigadier General Eric Vinoya, Commander sa 403rd Infantry Brigade nga ang maong mga bugas ilang gitohoan nga mao kini ang natigom sa mga N-P-A sa ilang mga extortion activities sa mga sibilyan sa kabukiran.
Web photo
