General Santos City—Malampusong narekober sa operatiba sa Kiamba Municipal Police Station ang mukabat sa 150 ka board feet sa good lumber kansa una nang giabandona sa wala pa mailhing mga suspek sa may Barangay Lumuyon, Kiamba, Sasrangani province niadtong nakalabayng adlaw.
Subay sa report nga nahipos sa RMN Gensan News Team nasayran nga alas 5:40 ang takna sa hapon dihang nakadawat ug report ang Kiamba MPS nga matud pa dunay mga good lumber nga giabandona sa lugar maong girespondihan uban ang mga personahe sa MENRO.
Didto nakaplagan ang mga giabandonang kahoy apan wala gyud masayran kung kinsay nagbilin niini sa lugar.
Sa karon nagpadayon ang gihimong imbistigasyon sa kapulisan bahin sa insidenti, samtang ang mga narekober nga good lumber ang anaa na karon sa buhatan sa MENRO-Kiamba.
