General Santos City—Samad sa likod ang naangkon sa usa ka negusyante nga nailang si Romy John Rosales Ropenta, legal age, residente ning syudad human kining gidunggab sa wala mailhing suspek ug gikawatan pa ug cellphone alas 8:37 ang takna sa gabie gawas nga bahin sa usa ka convenience store nga nahimutang sa may J. Catolico Avenue, Barangay Lagao, Gensan.
Subay sa blotter report sa Police Station 6, naglingkod lang ang negusyante gawas sa tindahan dihang kalit lang may niabot nga usa ka tricycle. Usa ka lalaki ang minaog dayon miduol sa biktima deretso ug dunggab sa iyang likod gamit ang ice pick.
Ayha nibiya ang suspek gikuha niini ang cellphone sa biktima dayon nisakay balik sa gisakyang tricycle ug nisibat sa wala sayring lugar.Gilayon man nga gidala sa ospital ang biktima human sa insidenti.
Sa karon nagpadayon ang ghimong imbistigasyon sa kapulisan kalabutan sa insidenti.
