Naglab-ot naman sa 150 ka bag-o ka mga kaso sang COVID-19 ang nadugang sa listahan sang DOH 6 sang mga nalatnan sang balatian sa Western Visayas subong nga adlaw sang Huwebes.
Base sa COVID-19 case bulletin 195 nga ginpaguwa sang DOH-6,May pinakamadamo nga bag-o nga kaso ang nalista sa syudad sang Iloilo nga may 54, ginasundan sang probinsya sang Iloilo nga may 46, Negros Occidental nga may 27, probinsya sang Capiz may 16 kag syudad sang Bacolod may 6 ka kaso.
Sa karon nagsaka na sa 12,986 ang kabug-usan nga kaso sang COVID-19 sa rehiyon kon sa diin 3,618 diri ang active cases.
Dugang nga 223 ka pasyente ang nag-ayo sa balatian rasun nga naglab-ot na sa 9,065 ang mga nakarecover.
Nagsaka naman sa 303 ang mga napatay sa balatian sa rehiyon 6 matapos 15 pa ka pasyente ang ginbawian sang kabuhi.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
