Davao City – Padayon ang pahimangno sa City Transport and Traffic Management Office (CTTMO) sa mga motorista nga sundon ang mga regulasyong ginapatuman ilabina diha sa karsada, human nga niabot sa 156 ka motorista ang naaresto sukad niadtong Mayo tungod sa pagharang ug pag-parking sa bike lanes sa syudad sa Davao.
Gibutyag ni Dionisio Abude, hepe sa CTTMO nga anaa sa 45 ka violators ang nadakpan ug namultahan niadtong June 12 – 19, 2021.
Ang mga car drivers nga magparking sa bike lanes gikonsederang illegal parking ug adunay multang P500. Gawas niini, mag-atubang usab sila og charges sa disregarding traffic signs.
Kung mapasar na usab sa 19th Davao City Council ang revised provision sa Bicycle Ordinance, muabot na sa P1,000 ang multa sa violators.
Sa pagkakaron, ang CTTMO adunay 10-man enforcement team aron magmonitor sa insaktong paggamit sa bike lanes sa dakbayan sa Davao.
RadyoMaN Kirby Manzon
