Davao City – Dead on arrival ang usa ka 16 anyos human gidunggab alas 2:28 kagahapon sa kadlawun sa may Purok Bayanihan, Brgy Magugpo West, Tagum City.
Sa imbestigasyon sa Tagum PNP, samtang naglakaw ang biktima nga si alyas Jojo, 16 anyos, residente sa Purok 18, Brgy Mesaoy New Corella Davao del Norte uban ang higala niini duol sa usa ka videoke bar sa nasangpit nga incident area, gidunggab kini sa makaduhang higayon sa mga wala mailhing suspetsado nga misibat sa wala matinong direksyon.
Gidala pa sa balay-tambalanan ang menor de edad apan gideklara na kining dead on arrival sa attending physician.
Gituohang personal nga bangi ang hinungdan sa pagdunggab sa biktima diin sa kasamtangan padayon pang ginapangita sa kapulisan ang mga responsable sa maong krimen.
RadyoMaN Renz Barbarona
