16 ANYOS NA BATAN-ON NAGHIKOG-PATAY SA BARANGAY WASHINGTON, SURIGAO CITY
Tagkilaya an biktima na si Paolo Llyod Atillo Calo, 16 anyos, estudyante, Senior High sa isa ka pribadong eskuwelahan sa Surigao City.
Sa asoy sa mga kaibanan sa boarding house sa may dayan Amat-Sarvida St.,Brgy. Washington, nabantayan nila na una na naka-istorya sa biktima an ija inahan sa gawas sa nasud pinaagi sa tawag sa cellphone, waya nila masiguro kon tagkasab-an ba kay human niini, waya na maggawas-gawas sa ija kuwarto an 16 anyos.
Kagabii, ila na tagpugos an pag-abri sa pertahan kay nabayaka na sila sa sitwasyon ni Calo. Sa pagka-abri pa, didto na sila nakurat na ini, nagbitay na, naghikog gamit an pisi ug waya nay kinabuhi ugsa mireport na dajon sila sa kadagkuan sa City PNP.
