Nasikop na sa kapulisan sa Cogon ning syudad sa Cagayan de Oro kagahapong adlawa ang 16 anyos nga suspek sa pagpatay sa trisikad drayber.
Ang suspek nga 16 anyos taga Sitio Bato, Barangay Indahag ug lumad nga taga Talakag, Bukidnon.
Nasayran nga nasikop ang suspek sa tabang sa Barangay Intelligence Network sa Barangay Camaman-an ning syudad.
Nakuha gikan sa suspek ang kutsilyo nga iyang gigamit pagpatay sa biktimang trisikad drayber nga si Philip Omarito nga taga Barangay 31 ning dakbayan.
Giturn-over na sa kapulisan sa Tahanan ng Kabataan ang menor de edad nga nakabikil sa biktima sa wala pa ang pagpangdunggab.
Mahinumduman nga nakaangkon og duha ka samad dinunggaban ang biktima mga alas 2:15 kagahapon sa kadlawon sa J.R Borja Extension, Barangay 36 nga maoy hinungdan sa iyang kamatayon.
