Patay ang 16-anyos matapos nga aksidente nga natumbahan sang puno sang lubi sa Sitio Li-eng, Barangay Acmonan, Tupi, South Cotabato, alas 12:00 sang udto kahapon nga adlaw, November 26, 2020.
Base sa imbestigasyon sang Tupi MPS ang suspek nga si Baron Tuli Piang,35- anyos kag residente sang Purok 5, Barangay Acmonan, Tupi, South Cotabato ang nag-utod sang puno sang lubi gamit ang chainsaw sa Nosete Farm sa nasambit nga lugar sang natumbahan ang biktima samtang nagalantaw.
Gilayon man nga gindala sa ospital sa banwa ang biktima kag ginrefer man sa South Cotabato Provincial Hospital, apang ginbawian sang kabuhi samtang ginpaidalom sa medikasyon.
Gilayon naman nga nagpatigayon sang pursuit kag follow-up investigation ang Tupi MPS batok sa suspek.
