SALVADOR BENEDICTO, NEGROS OCCIDENTAL – Kapin 16 ka mga eatudyante sang Supronio Carmona Memorial High School sa Poblacion sang banwa sang Salvador Benedicto ang ginpangdala sa Municipal Health Center matapos nga ini sila ang reklamo sang kabudlayan sa pag ginhawa ukon pag pin-ot sang dughan sini gid lang nga aga.
Suno sa head sang DSB DRRMO Rodel Pamini nga nagsugod ang tanan kahapon sang aga kon diin may isa ka estudyante nga babayi nga nagreklamo nga indi maka ginhawa kag nagpalangtiskog.
Ini siya ang gindala sa klinika kag ginpapahuway.
Sini nga aga, liwat na naman nga nagluntad ang kaangay nga hitabo kon diin may 16 ka mga kabataan ang nagbatyag sang pagpalamin-ot sang dughan.
Ginpahayag ni Pamini nga naga suspetso sila nga nag domino effect lang ang hitabo kon diin posible ang amo nga mga estudyante ang ginkulbaan gid lamang sa natabo sa ila classmate.
Pahayag sang DRRMO nga naabtan nila ang mga estudyante nga nagahigda gani ini sila ang gindala sa health center.
Sa karon gina check na sang doktor kon bala ano ang gintunaan sang pagbatyag sang amo nga mga estudyante.
