Walay sintomas sa Corona virus ang 16 ka membo sa pamilya sa namatay nga covid victim nga taga sityo Pinikitan, barangay Camaman-an ning syudad sa Cagayan de Oro.
Mao kini ang gibutyag ni Dr. Joselito Retuya Epidemiologist sa City health office.
Sa Press Conference sa City hall kagahapon, gipahayag ni Retuya, nga gibantayan ug maayo sa mga health volunteers, ang 16 ka membro sa pamilya ni Covid Patient 6783, nga gipa-ilawom sa 14 ka adlaw nga kurintinas sa city isolation units sa barangay Lumbia. Matud ni Retuya, nga walay ilang nakita nga hilanat ug ubo sa maong pamilya.
Hino-on gipasabot ni Retuya, nga ang asawa ni covid patient 6783, dunay ubo, apan dili matawag nga sintomas sa corona virus., kon dili posibling simtomas lamang kini sa sakit nga tuberculosis kon TB.
