Misaka na sa 165 ka mga tawo ning syudad sa Cagayan de Oro, nga gitawag ug New Arrivals sa city health office ang namonitor sa gobyerno, niining nagpadayon nga kampanya batok sa corona virus.
Kini nga record, sukad niadtong March 14, hangtud niadtong April 19, matud pa ni City health officer, Dr. Lorraine Nery.
Niadtong April 15, ang City health office, nakalista sa 150 ka mga New Arrivals, apan nadugangan kini sa 15 ka mga tawo nga gikan sa unang dapit sa Southern Phils. niadtong Biyernis sa milabay nga simana.
Matud ni Nery, nga hangtud kagahapon, nagpabilin nga nakakurintinas niining 165 ka mga new arrivals, mikabat na lamang sa 114 ka mga tawo, nga ilang gipahimotang sa mga isolation Units ning syudad sa Cagayan de Oro.
Sa laing bahin.
Nakalista ang city health office, sa 223 ka mga Person Under Monitoring, kon PUM, sukad niadtong March 14, hangtud sa april 19., ning tuiga. Kini nga record sa city health office, sukad gisugdan sa administration ni mayor Oscar Moreno ang kampanya pagsumpo sa Corona Virus ning syudad.
Matud ni City health officer Dr. Lorraine Nery, nga kining 223 ka mga PUM, ma-oy nahimong Close Contact sa mga tawong gitawag nga Person Under Investigation, kon PUI, nga na-admit sa Northern Mindanao Medical Center.,NMMC.
Una pa niini, ang City health office unang nakalista sa 219 ka mga PUM, niadtong April 17.
