Nagakantidad sa P 2,456,935.00 sang kabuhayan starter kits ang ginrelease sang Department of Labor and Employment ukon Dole 12 sa 168 ka mga benepisyaryo sa banwa sang Surallah.
Kadam-an sang mga benepisyaryo ang self-employed nga magamay ang income, persons with disabilities, kababainhan, senior citizen, ginikanan sang mga child laborers, farmers, youth, kag surfacing personalities involved in illegal drugs (SPID) nga nakakumpleto sang community-based rehabilitation.
Samtang ang livelihood projects nga ginpili sang mga benepisyaryo ang food vending, pig roasting (litsonero), coffee grinding, banana chips making, calamansi production, bread and pastry making, food processing, car wash, vulcanizing, hollow block making, nego kart, dressmaking, party decoration, beauty, manicure services kag iban pa.
Sa mensahe ni DOLE 12 Assistant Regional Director kag DOLE-South Cotabato Field Office Head Arlene Bisnon ginakilala sini ang maayo nga koordinasyon sang LGU-Surallah sa paghatag sang oportunidad sa mga informal workers ilabi na sa surfacing personalities involved in illegal drugs.
Hangkat niya naman sa mga benepisyaryo nga paumwadon ang ginpili nga livelihood project ilabi na sa SPID nga nakaavail sang DOLE livelihood program para sa positibo nga panan-awan sa kabuhi.
photo by DOLE 12
