Gin-aprubahan kahapon sang SP ang appropriations ordinance nga mag-release sang 17.8 million pesos nga gamiton naman sang syudad sang Bacolod sa kampanya batok sa dengue.
Ang pondo ang kuha-on sa quick response fund sang CDRRMO matapos man sang deklarasyon sang DOH nga national dengue epidemic.
Suno sa head sang sanitation division sang City Health Office – Dr. Grace Tan, ang 17.8 million pesos ang ibakal sang bulong, chemicals, equipment kag personal protective kit sa diin ipang-hatag ini sa mga barangayan.
Sa record sang CHO, naglab-ot na sa 6 ang patay tuga sang dengue sa Bacolod sa diin ang pinaka-latest diri nga fatality amo ang anum ka tuig nga bata nga lalaki nga taga-Barangay Tangub.
ANUM NA PATAY BANGUD SANG DENGUE SA BACOLOD
Naglab-ot na sa anum ang patay tuga sang dengue sa syudad sang Bacolod.
Suno sa City Health Office, nga ang pinakalatest nga biktima sang dengue sang amo ang anum ka tuig nga bata nga lalaki nga taga-Barangay Tangub.
Sa record sang CHO, naglab-ot na sa 1,127 ang kaso sang dengue sa Bacolod as of August 10, 2019.
Lakip sa barangay nga may mataas nga kaso sang dengue mao ang Tangub, Villamonte, Granada, Taculing , Mansilingan,Alijis, Handumanan, Mandalagan kag Singcang-Airport .
