General Santos—mukabat sa 17 ang angol sa nahitabong pagbangga sa usa ka unit sa bus nga iyaha sa Yellow Bus Line Incorporated sa may Sitio Lamcanal, Malungon, Sarangani Province alas 3:00 ag takna sa kapon sa nakalabayng adlaw.
Sumala ni Police Sr. Inspector Richerd Pabalinas, Hepe sa Malungon, Municipal Police Station nga padulong unta sa syudad sa Davao ang bus nga iyaha sa YBL nga dunay body Number 083 nga gimanihuan ni Michael Aninion, legal age, residenti sa Tupi, South Cotabato.
Pag abot sa sitio Lamcanal, mi-overtake ang bus sa gisundan niining 10 wheeler truck apan tungod dangog ang alpalto, nawad-an ug control ang driver sa manibela hinungdan nga nabangga kini sa payag nga nahimutang daplin sa kalsada.
(5) ka by stander ang angol sa maong insidenti samtang laing 12 pa ka pasahero ang nakaangkon ug minor injury.
Nga biktimang naangol; Beninda Bernaldo, 73, Jenny Dasigao, 20, Aiza Magracia, legal age, Edna Baguio legal age, Grendy Flor Ado, kansa gidala sa Doctors Hospital; Whie Aed Lagid, 33, Nissan Jane Bersales, Genine, Duremdes, legal age, Genine Duremdes, legal age, Nona Berano, 25, Nedelyn Antiso, 22, Hannelyn Flores, 24, Archemez Salvador Barroga, 35, Edwin Reyes, legal age, Erlyn Norsio, legal age, Henry Ponsoy, legal age, Louy Bautista, 41 ug Monique Amoro, 55 kansa nadala sa St. Elizabeth Hospital ug uban pang balay tambalanan.
Hinuon dili man grabe ang mga samad nga naangkon sa mga biktima ug wala usay nakabsan ug kinabuhi gumikan sa insidenti.
Sa karon giasikaso na sa YBL ang balayranan sa ospital sa mga biktima samtang wala na usay plano ang mga biktima na mupasang-at ug kaso batok sa driver sa bus kansa samdan usab sa maong insidenti.
