Nabun-og ang nawong ug nasamad ang ulo sa usa ka 17 anyos nga triskida driver human gitabangan og kulata.
Matud sa biktima nga taga Barangay Bayanga nga mga alas dose sa tungang gabie sa dihang namasayro siya sa Divisoria area dala ang trisikad kalit lamang siyang giduolan sa upat ka mga wala mailang lalaki ug gikulata.
Tungod niini, miduol sa dxCC-RMN Cagayan de Oro karong udto ang biktima sa programang Kuskos Batikos 2nd Edition ni RadyoMaN Zaldy Ocon sa pamasin nga matabangan nga makapalit sa mga giresita sa doktor ngadto kaniya.
Wala usab mapakyas ang biktima human pipila sa mga tigpaminaw ang nidalikyat sa dxCC aron lamang mapaabot ang tabang pinansyal ngadto sa biktima nga nikabat sa kapin tres mil pesos.
Samtang, mipasalig usab si Police Chief Inspector Julius Clark Prisco Morales Macariola, Hepe sa Divisoria Police Station nga ilang tabangan ang biktima aron ma-imbestigahan ang kasong pagpangulata nga nahitabo sulod sa ilang Area of Responsibility.
