NAKILALA na ang bangkay sang isa ka babayi matapos ini nga nasapwan pasado las Dose kaina sang udto nga nasampay sa haligi sang Taytay Campisay, Barangay Mambaruto, Sipalay City, Negros Occidental.
Ang biktima ang ginkilala kay Geraline Cute Casipong 17 anyos, Grade 7, tumandok sang Sityo Cambogi-ot , Barangay Manlucahoc, Sipalay City.
Suno kay Rosemarie Casipong 18 anyos, magulang sang biktima nga nagbakasyon sa ila balay ang iya manghod, apang wala na ini nakapauli sa ila balay halin pa sang New Year tungod madamo man ini sang barkada kag nagpinsar man ini nga nagpauli didto sa bukid sa ila mga ginikanan.
Nakibot gid lamang ini matapos nga nasapwan nga patay ang iya manghod, kag wala na sang under wear magluwas lamang sa iya nga bayo kag relo nga ara pa sa iya kamot.
Samtang padayon naman ang imbestigasyon sang Sipalay City PNP kun ano ang motibo sang krimen kag kun bala ini ang ginlugos antis ginpatay.
[image: image.png]
