Misaka na sa 172 ka mga pasyente ang na-admit sa Northern Mindanao Medical Center kon NMMC sukad gisugdan sa gobyerno ang kampanya batok sa Corona Virus Disease o COVID-19.
Kini nga record sukad niadtong January 31 ngadto sa June 8 ning tuiga.
Matud ni Dr. Bernard Rocha, Medical Specialist II sa NMMC nga kini nga mga pasyente positibo ug Negatibo sa Covid-19.
Gikan sa maong ihap mikabat sa 151 ka mga pasyente ang negatibo sa Corona virus, 17 ang positibo ug suspect 4.
Samtang sa pikas nga bahin, gibutyag ni Rocha nga mikabat na sa 431 ka mga pasyente ang nakapahimulos sa Testing Laboratory sa NMMC sulod sa 35 ka ihap sa ilang Testing Capacity.
Gidugang ni Dr. Rocha nga kini nga record sukad niadtong May 21, 2020.
-o0o-
Facebook Comments
