General Santos City—ospital ang gidangatan sa usa ka 18 anyos nga si Jack Villegas, residenti sa Alunan, Barangay South, Gensan human kining gidunggab sa wala pa mailhing suspek sa may ula-Lagao Road, Barangay Lagao, Gensan alas 4:50 ang takna kaganinang kabuntagon.
Sa report sa Police Station 3 nasuta nga nag inum ang biktima uban sa iyang duha ka mga amigo sulod sa Explore bar, pauli na unta sila dihang kalit lang silang giduolan sa grupo sa mga suspek dayon gidunggab ang biktima.
Nakaangkon kini ug samad sa iyang likod nga bahin. Paspas nga misibat ang mga suspek human sa pagpanunggab samtang ang biktima, paspas nga gidala sa iyang mnga amigo sa Dr. Jorge Royeca Hospital.
Sumala sa amigo sa biktima nga posibleng natripan lang kini sa mga suspek. Iyang giangkon nga ilang nakit-an usab sulod sa explore bar ang mga suspek ayha pa nahitabo ang krimen, apan iyang giklaro nga wala man sila nagkabingkil.
