General Santos City—Angol ang usa ka 16 anyos nga nailing Alias Joshua, residenti sa Purok 11, Lanton, Barangay Apopong, Gensan human kining gidunggab sa wala pa mailhing suspek alas 7:30 ang takna sa gabie didto mismo sa maong lugar.
Subay sa tala sa Dr. Jorge Royeca Hospital nasuta nga nagbaktas ang biktima pauli sa ilang panimalay dihang kalit lang kining giduol sa grupo sa mga batan-on dayon gikulata.
Wala pa makontino ang mga suspek-ila pang gidunggab ang biktima igo sa iyang wala nga bukton, wala nga paa ug sa tuong bahin sa iyang abaga.
Human sa pagpangulata ug pagpanunggab paspas nga nanibat ang mga suspek sa wala masayring lugar samtang ang biktima gidala dayon sa Dr. Jorge Royeca Hospital.
Sa karon giimbistigahan na sa kapulisan ang maong insidenti.
