Patay ang usa ka 18 anyos nga lalaki, human gipusil sa Zone 6- Balite, Barangay Bugo ning syudad kaganing kadlawon.
Biktima naila nga si Mark Lloyd Capablanca, grade 11 senior high school, residente sa maong dapit.
Matud sa igsoon sa biktima nga si Mark Jun Capablanca, 23 anyos- wala siya kabalo kung unsay hinungdan nganung gipusil ang iyang igsoon, ug wala pod siyay kasayuran sa mga kalihukan niini.
Apan gisiguro niini nga dili mga maldito ang barkada sa iyang manghud ug wala kini kontra.
Nasayran nga gipusil ang biktima sa mga suspek nga sakay sa motorsiklo.
Matud sa kapolisan, posibleng panag-away sa mga batan-on ang hinungdan sa kremin.
Naangkon sa biktima ang samad pinusilan sa tuong bahin sa ulo nga milahos sa pikas nga bahin.
Facebook Comments
