General Santos City—samdan ang usa ka 18 anyos nga Estudyante human kining gidunggab samtang nag suroy suroy sa fiesta sa Barangay Bawing syudad sa General Santos alas 11:50 ang takna sa gabie, Domingo, Octover 8, 2017.
Biktima giilang si Aisa Palalisan, 18, residenti sa Darusalam bawing ning syudad. Suspek giilang si Jamal Akkim, 23 anyos, minyo, fish vendor ug residenti sa Purok Bajao, General Santos City.
Nasayran nga magsuroy unta ang biktima uban sa iyang mga amigo sa Fiesta sa may Purok Bombil sa nasangpit nga barangay dihang ilang nakasugat ang grupo sa suspek nga gilangkuban sa 7 ka mga lalaki. Kalit lang silang giduol sa mga nahisgutan dayon gikulata.
Ang biktima maoy nadunggaban sa suspek sa iyang lawas. Human sa pagpanunggab misibat dayon ang suspek uban sa iyang mga kaubanan samtang ang biktima daling gidala sa St. Elizabeth Hospital.
Sa karon nagpadayon pa ang imbistigasyon kalabutan sa kaso samtang ginasuta pa sa kapulisan kung dunay daang bangi ang biktima ug ang suspetsado.
