Patay nang nakit-an sa mga otoridad, ang usa ka 18 anyos nga lalaki, nga nalumos sa Suba sa barangay Iponan, bandang alas 7 ang takna kaganinang buntag.
Si PO3 Roldan Latayao, nga responding police officer sa Bulua Police station, mipa-ila sa biktima, nga si Frans Cobar Curato, nga residente, sa Virginia Village sa barangay Iponan ning syudad sa Cagayan de Oro.
Bandang alas 5 ang takna kaganinang buntag, ang patay nga lawas sa biktima, unang nakit-an sa mga residente sa Zone 4 Dampil Iponan, nga naglutaw sa Suba sa maong dapit.
Matud ni Latayao, nga bandang alas 9 kagahapon sa buntag, ang maong biktima, unang na-missing, hangtud nga nakit-an na lamang kini sa mga reisdente sa Dampil, nga wala nay kinabuhi.
Ang patay nga lawas sa maong biktima, gidala na kini sa Bolluzos Funeral Homes.
