General Santos City- Patay ang usa ka 18 anyos nga ulitawo human nga kini gipusil.
Nailhan ang biktima nga usa ka Barney Nano, alyas ‘Bar-bar’ 18 anyos, ulitawo og residente sa may Purok Bayanihan BArangay Calumpang, syudad sa General Santos, alas 5:30 sa hapon kagahapon.
Sa imbestigasyon sa Tambler PNP, pinaagi ni Police Sr. Inspector Bong Soliva, ang Deputy Station Commander nga nailhan ang mga suspek sa maong krimen nga silang ni Alyas Dodong, Alyas Bebe, Alyas Abi, Alyas Totong Pugardas pulos lumolupyo sa maong lugar.
Sumala pa nga niadtong tungura nga igo lang nga nagbaktas ang biktima sa may baybay nga bahin sa maong lugar kauban ang iyahang uyab og kalit na lamang gipusil sa mga suspetsado.
Nakaangkon og samad pinusilan sa nawong nga bahin ang biktima hinungdan sa iyahang kamatayon.
Samtang sigurado ang pamilya sa biktima nga maong mga grupo sa suspek ang mihimo sa maong krimen, human nga ayha pa man nahitabo daan ng nagka-sumpaki ang nahisgutang grupo og sa biktima.
Nasayran nga Agosto 14 base sa record sa kapulisan nga una ng nagpa blotter ang usa sa mga suspek, ang biktima tungod sa bahad sa ilahang kinabuhi.
Padayong ang ginahimong hot pursuit operation sa kapulisan sa Tambler PNP alang sa pagpangita sa mga suspetsado.
