Davao City – Nisaka ngadto sa 18 ang mga pasyenteng nakarekober sa Coronavirus Disease 2019 (COVID-19) base sa datos sa Department of Health (DOH) Davao Region.
Sumala ni DOH XI Asst. Regional Director Dra. Lenny Joy Rivera, nakagawas na sa ospital ang maong mga pasyente human kini nag-negatibo na sa coronavirus.
“Nakikita natin na maraming recoveries, so it means our doctor were able to manage the patients well and we were able to detect them as much as possible,”
Walo sa mga nakarecover sa COVID-19 adunay mga history of travel sa Manila, duha kinsa natakdan sa usa ka positive case, usa nga adunay history of travel sa Matina Gallera ug ang pipila padayon pang ginaimbestigahan ang exposure o travel history.
“Yes po ang 18 discharge na po yan with negative result na po. Lahat po nang positive kinukunan po yan nang specimen or sample po ulit para ma test… before discharge i-test po hanggang mag-negative,” sumala niini.
Samtang, adunay walo bag-ong kaso sa nagpositibo diin mokabat sa 67 ka kaso ang natala sa Davao Region.
Ang Davao City adunay 57 ka kaso, Davao del Norte 6, Davao del Sur 2, Davao de Oro 1, Davao Oriental 3 ug nagpabilin gihapong COVID-free ang Davao Occidental.
Nakatala na og 11 ka mga taong namatay ang rehiyon human nga adunay duha ang nadugang sa mga namatay.
Gikasubo usab sa DOH nga 11 na ka healthworkers ang nagpositibo sa COVID-19 kinsa nagapaalim pa sa ospital.
RadyoMaN Aimee Guinita
