Davao ipailawom na sa ECQ karong Sabado

Davao City – Gilagdaan na ni Davao City Mayor Sara Duterte ug gipagula na sa lokal na panggamhanan ang Executive Order No. 23 sa pagpailawom sa syudad sa Enhanced Community Quarantine.

Matud ni Davao City Mayor Sara Duterte ipatuman na kini karong Sabado Abril 4 sugod alas 9PM kutob alas 11:59PM Abril 19 adlawng Dominggo.

“Hopefully kung dili na managhan ang atoang mga pasyente, mga PUI and COVID positive na patients that will be the end of it,”


Mamahimo gihapong makagawas sa balay ang usa ka indibidwal gamit ang Food and Medicine Pass o FM Pass para mamalit og pagkaon, medisina o muadto sa hospital gikan alas-5:00 sa buntag-9:00 sa gabie.

Ilawom sa ECQ wala nay mass transportation, pipila nalang ka sektor sa mga pribadong kompanya ang tugutan nga manarbaho ug ang mga nahibiling opisina sa gobyerno nga abli ug tugotang mag-operate mao ang dunay kalambigitan sa disaster, social services, health ug security.

Ang pwedeng sakyan sa mga manulod og trabaho kay libreng sakay sa mga bus sa lokal nga gobyerno, tricycle (1 driver, 1 pasahero sa atubangan ug 1 pasahero sa likod), Taxi ug pribadong sakyanan (1 drayber, 1 ka pasahero sa atubangan, 1 pasahero sa likod), Motorcycle (1 driver, walay laing sakay), Bicycle (1 driver, walay laing sakay) o pwedeng magbaktas o maglakaw.

Subay niini sumala sa mayor gipangandaman usab sa lokal nga gobyerno ang Extreme Enhanced Community Quarantine (EECQ).

“Naa pay EECQ, hopefully dili ta muabot sa ingon na nga sitwasyon dinhi sa Davao Region,” matud sa mayor.

RadyoMaN Aimee Guinita

Facebook Comments