General Santos City— Mukabat sa 180 ang mga lambigit sa illegal nga droga nga target sa ginahimong Oplan Tokhang sa dakbayan basi sa gipakanaug nga listahan sa Directorate For Intelligence.
Sumala kang Police Senior Superintendent Romeo Ruel Berango, Acting City Director sa Gensan City Police Office nga ilaha pang ginasuta kung asa nahimutang ang mga nahisgutan ug kung unsa na ang ilahang mga aktibidad sa karon human ang kapin duha ka bulan nga pagtanggal sa kapulisan sa war on drugs..
Higayon matud pa nga nagpabilin pa sila sa illegal nga aktibidad, magpahigayon ug operasyon ang kapulisan aron nga madakpan ang mga nasangpit kung asa kaabag nila ang Philippine Drug Enforcement Unit
Dugang pamahayag ni Col. Berango nga gikan sa 180 nga mga anaa sa listahan. mukabat na sa kapin 90 ang naadtuan sa kapulisan sa oplan tokhang sulod sa usa ka semana.
Samtang anaa sa 32 ang dili na makita sa tibuok syudad nga padayon nilang ginapangita samtang anaa na sa dul-an 40 ang misurender na human ma-tokhang. Pagpaklaro niini nga hilabihan na gyud kahugot ang mando sa mga pulis kalabot sa operasyon batok druga ingon man sa pagpahigayon ug oplan tokhang.
Kalabot niini, gibutyag ni Col. Berango nga aduna usab laing tokhang nga himuon alang sa mga nauna ng gibisita sa nakalabay nga oplan tokhang ug padayon nilang ginamonitor ang ilahang mga lihok hilabi na nga aduna silay datus sa mga nasangpit.
Nakatakda man usab nilang bisitahon ang City Social Welfare and Development Office aron masayran kung pila kabuok sa mga nagsurface kaniadto ang nagpadayon sa ginahimong community base drug rehab program.
Higayon nga masayran nga sila mibalik sa illegal nga aktibidad, andam matud pa ang kapulisna nga magpahigayon ug drug operation aron maundang ang ilahang binuhatan.
