Nagpatawag na sang multi-sectoral coordination meeting ang South Cotabato Integrated Provincial Health Office kabahin sang preparasyon sa Bayanihan Bakunahan sa Nobyembre 29, 30 kag Disyembre 1.
Nagalab-ot sa 182,085 ka mga indibidwal ang target nga mabakunahan sa probinsya sa patigayunon nga tatlo ka adlaw nga national vaccination day.
Suno kay South Cotabato Provincial Health Officer Dr. Rogelio r. Aturdido Jr. ang kada LGU ang may-yara sang target kapareho na lamang sa Koronadal City nga 11 thousand kada adlaw ang target nga mabakunahan ukon yara sa 35K sa sulod sang tatlo ka adlaw kag Polomolok – 6K kada adlaw ang target.
Samtang suno kay Dr. Aturdido ang kadalag-an sang patigayunon nga three –day vaccination ang nakasalalay sa suporta sang mga pumuluyo sa probinsya.
May-angot sini, ginaawhag niya ang mga wala pa nabakunahan batok COVID-19 nga magpadulong lang sa naidentify nga mga vaccination site sa lugar sa patigayunon nga national vaccination day.
Ginalauman naman ni Dr. Aturdido nga paagi sa national vaccination magtaas ang numero sang mabakunahan batok COVID-19 sa South Cotabato, matapos nga halin Marso tubtob Nobyembre 14 yara pa lang sa masobra 201 thousand ka mga indibidwal ukon 38 ka porsyento ang nabakunahan batok COVID-19 sa probinsya..
