General Santos City—Angol ang usa ka Richie Paglinawan, 19 anyos nga taga Purok Magsaysay, Barangay Labangal, Gensan human kining gidunggab sa wala pa nganling suspek alas 7:00 ang takna sa gabie sa may Olarte Compound nga nahimutang sa Barangay Labangal, Gensan.
Subay sa report nga nahagpat sa RMN-DXMD Gensan News Team, nagdula ug basketball ang biktima sa maong lugar, pag-uli niini siya giatngan sa suspek dayon gidunggab.
Samad sa likod nga bahin ug sa iyang mga kamot ang naangkon sa nahisgutang biktima kansa gilayong gidala sa ospital. Ang suspek paspas nga misibat human sa krimen.
Sa karon padayon pang giimbistigahan sa kapulisan ang maong insidenti.
Facebook Comments
