Davao City – Gilaslas matud pa sa usa ka babae ang kinatawo sa iyang live in partner nga nahitabo sa San Isidro, Davao del Norte.
Sa pakighinabi sa DXDC RMN Davao sa personahe sa San Isidro Municipal Police Station nga subay sa report, ang biktima usa ka 19 anyos nga si alyas Ram samtang ang gireklamo mao ang matud pa live in partner niini nga si alyas Jane, 26 anyos.
Sumala pa sa report nga niadtong Hulyo 13 ning tuiga, midangop kanila ang uyuan sa biktima og gipatala ang insidente nga matud pa hubog kaniadto ang lalaki ug nagkalalis sa iyang kapuyo apan wala nay igong impormasyon nga natala ang kapulisan og unsay eksaktong nahitabo og nganong gilaslas sa live in partner nga si alyas Jane ang kinatawo sa lalaki.
Dugang pa nga gihulat lang sa otoridad nga mupatim-aw ang biktima sa ilang buhatan aron makapasaka og kaso pinaagi sa regular filing apan wala na kini miadto.
Samtang sa interview usab ngadto sa impormante niining insidente, nilayas na matud pa si alyas Jane human sa pagbuhat sa maong krimen diin nasuko kuno ang babae human nga miinom ang iyang kapuyo ug sa dihang nahimata ang lalaki human nga nahuwasan sa kahubog, natingala nalang nga nagkadugo na ang iyang kinatawo.
RadyoMaN Renz Barbarona
