General Santos City—Gidali sa ospital ang usa ka Christian Jade Jocomin 19 anyos, ulitawo, trabahante sa usa ka Hardware sa Gensan ug residente sa Bro. Obrero Brgy North ning syudad human kining nahagbong sa gisakyang Elf Truck kagabii.
Nasayran nga alas 7:00 ang takna gikan sa pagpanghakot ug gamit ang biktima uban ang mga silingan niini sa dihang pauli na unta sila gikan sa Brgy Mabuhay paingon sa Brgy Dadiangs North apan pag-abot sa kanto sa Salvani St. kalit nga naabli ang pultahan sa luyo nga bahin sa Elf sa diin naglingkod ang biktima hinungdan nga nahagbong kini sa dalan.
Pangus ug bun-og sa likod, ulo ug uban pang parte sa lawas ang nahiagom sa biktima nga karon anaa sa Mindanao Medical Center. Nabalaka ang poamilya ni Christian nga basin dunay delikadong damage sa ulo ang biktima hinungdan nga buot nila kining ipasuta pinaagi sa citi scan.
Namahayag usab ang mga kaubanan sa biktima nga wala nila damha ang maong disgrasya tungod sa ila man matud pang gihugtan pag-ayo ang sira sa likod hinungdan nga kumpyansa ra usab nga milingkod ang biktima. Gitudlong rason sa mga kaubanan ang matud pa lubak nga parte sa maong dalan nga mugna sa mga balas nga napondo sa tunga dala sa baha panahon nga muolan.
