General Santos City–Kasong pagsupak sa sec 5 ug 11 sa article 2 ilawom sa R.A 9165 (Comprehensive Dangerous Drug Act Of 2002) ang atubangon sa usa ka Royslan Jay Abapo alyas dodong, 19, residenti sa Botanic Compound, Barangay City Heights, Gensan human nadakpan sa gipahigayung buybust operation sa operatiba sa Police Station 4, alas 2:45 ang takna sa kaadlawon.
Apil usab nga pasakaan ug kaso ang kauban niini nga si Edwin Moralde alyas Weng-Weng kansa malampusong nakasibat human nga namatikdan ang presensya sa kapulisan.
Sumala pa ni Police Sr. Inspector Lemuel Enrijo, OIC Chief Of Police sa police Station 4 nga wala sa ilahang watch list ang suspect apan noted matud pa kini sa maong lugar nga naga pamaligya ug iligal nga droga.
Basi sa impormasyon ang operasyon sa nasangpit sa pagpamaligya ug shabu dili lang sa Barangay City Heights kon dili apil na sa uban pang barangay sa Gensan.
Sa karon ang suspek balhog na sa silda sa Police Station 4 ug ginaandam na karon ang pagpasang-at ug kaso batok sa nasangpit.
