General Santos City—Dead on arrival sa St. Elizabeth hospital ang usa ka Ruel Vincent Colita, legal age, residenti sa Prk Progressive, Barangay Maribulan, Alabel, Sarangani Province samtang anaa usab sa kritikal nga kahimtang ang usa ka Garry Amajado, 20 anyus , ug lumulupyu sa Prk. 4, Barangay Poblacion, Alabel, Sarangani Province human nga nagbangga ang duruha samtang sakay sa ilhang motorsiklo alas 6:30 ang takna sa buntag sa Prk. Tamayan road, barangay Buayan ning syudad.
Sumala pa ni Po2 Limuel Aves, imbistigador sa Traffic Management Unit nga pariho matud pa nga nagdagan ang mga motor nga gimanihuan sa duha kung kung asa si Colita ang sakay sa iyahang TMX-125 nga motor padulong sa Barangay Baluan samtang padulong usab sa Alabel ang motorsiklo ni Amajado.
Apan pa- abot matud pa sa maong lugar kalit lang miliko si Colita padulong sa wala nga bahin samtang si Amajado usab ang me overtaker ssa sakyanan nga gisundan niini hinungdan nga wala niini nabantayan ang paliko nga si Colita ug didto nag bangaanay ang mga nasangpit.
Parehong naka-angkon ug grabing samad sa ulo ang mga nasangpit nga gikamatay ni Colita. (Dave Silagan)
