Gipaila na kagahapong adlawa ang 19 ka mga kandidata sa Miss Kuyamis 2019 nga maoy nagrepresentar sa ilang tagsa-tagsa ka lungsod sa Misamis Oriental.
Gibutyag ni Provincial Tourism Officer Jeffrey Saclot nga hayan mosaka pa ang ihap sa mga kandidata tungod kay ang ubang lungsod ang wala pa nagpadala sa ilang representante.
Hinuon, mipahibalo na kaniya ang Gingoog City, Claveria ug Kinoguitan nga dili sila mosalmot sa pageant.
Lakip sa mga kandidata mao silang Kyle Marie Inzo sa Alubijid; Cejay Diane Domo sa Balingasag; Hiyasmin Caputol sa Balingoan; Mary Faith Ladra sa Binuangan; Cris Antonette Teano sa El Salvador City; Jeza Christyl Relevo sa Gitagum; Ruby Myr Brito sa Initao; Zon Karla Cabeltes sa Jasaan; Mhedi Ali Mar Villaruz sa Lagonlong; Rendy Mae Castrodes sa Laguindingan ug Aira Dawn Rivera sa Lugait.
Mosalmot usab sa pageant silang Nina Dianne Beltran sa Magsaysay; Rizalyn Bongcawel sa Manticao; Chella Grace Falconer sa Medina; Ingrid Michel Carumbana sa Naawan; Jazmine Clarino sa Opol; Nicky Daffodil Bullecer sa Salay; Chery Rose Lomopog sa Sugbongcogon; Maria Luz Victoria Delos Angeles sa Tagoloan ug Justine Miles Abe-abe sa Villanueva.
Dugang pa ni Saclot nga ang Miss Kuyamis 2019 ipahigayon sa Enero 10 sa Tagoloan dome nga kabahin sa usa ka semanang selebrasyon sa Kuyamis Festival nga himoon sa Enero Siete hangtud 12 sa sunod tuig.
