General Santos City–Nagpabilin pa sa evacuation center ang mubat ngadto sa 190 ka mga pamilya nga nabiktima sa sunog sa purok. Islam, Barangay South nga nahitabo niadtong milabay nga adlaw.
Sa kasamtangan padayon ang paghatag ug ayoda sa Barangay inubanan sa lokal nga pnggamhanan sa syudad ngadto sa mga biktima.
Sumala pa ni kapitan Rock Garay sa Barangay Dadiangas South nga sa karon nakig-alayon pa sila sa RSBS kansa nanag-iya sa luna nga gipuy-an sa mga bitkima aron hangyuon nga tugutang makabalik sa maong luna ug makapatukod subli sa ilang mga balay.
Apan basi sa inisyal nga pakighinabi ni kapitan Garay sa nanag-iya, dawsa dili na nila tugutan pang makabalik ug puyo ang mga nasampit ngadto sa maong lugar.
Sa karon temporary shelter lang matud pa ang mamahimong matabang karon sa barangay sa mga nabiktima ug ilaha matud pang paningkamotan nga iduol kini sa national housing authority aron usab nga mahatagan ug relocation ang mga kwalipikado nga mga pamilya samtang tabangan usab sila sa mangita ug laing kapuy-an hilabi na ngadto sa mga nagaarkila lang ug boarding house. (Dave Silagan)
