193 ka bag-o nga kaso sang covid-19 nagdugang sa Western Visayas, 129 taga Bacolod kag 17 taga Negros Occidental

8

Nadugangan sang 193 ka bag-o nga kaso sang COVID-19 ang nalista sang DOH-6 sa Western Visayas subong nga Sabado.

Base sa COVID-19 case bulletin number 169 nga ginpaguwa sang DOH-6, nagapanguna sa gihapon sa may pinakamadamo nga bag-o nga kaso ang syudad sang Bacolod nga may 129, ginasundan sang siyudad sang Iloilo nga may 27; Negros Occidental may 17: Probinsya sang Capiz may 11; Probinsya sang Iloilo may 7 kag Guimaras may 7 ka kaso.

Sa kabilogan naglab-ot na sa 7,336 ang kaso sang COVID-19 sa rehiyon 6 kon sa diin 3,117 ang active cases.

Nagsaka man ang mga nakarecover sa 4,102 matapos may nagdugang nga 359 ka pasyente ang nag-ayo sa balatian.

Nadugangan man sang 8 ang mga napatay nga naglab-ot na karon sa 117.

[image: image.png]

Facebook Comments