Nagdugang sang 193 ka bag-o ka mga kaso sang COVID-19 ang nalista sang DOH 6 sang mga nalatnan sang balatian sa Western Visayas subong nga adlaw sang Martes.
Base sa COVID-19 case bulletin 193 nga ginpaguwa sang DOH-6, may pinakamadamo nga bag-o nga kaso ang nalista sa syudad sang Iloilo nga may 71, ginasundan sang probinsya sang Capiz nga may 37, syudad sang Bacolod may 34, probinsya sang Iloilo may 31 kag probinsya sang Negros Occidental nga may 20 ka kaso.
Bangud sini, nagsaka na sa 12,683 ang kabug-usan nga kaso sang COVID-19 sa rehiyon kon sa diin 3,742 diri ang active cases.
Nag-ayo naman sa balatian ang dugang nga 163 ka pasyente kabangdanan naglab-ot naman sa 8,661 ang mga nakarecover.
Nagsaka naman sa 280 ang mga napatay sa nasambit nga balatian sa rehiyon 6 matapos 9 pa ka pasyente ang ginbawian sang kabuhi.
[image: image.png]
