Pagadian City – Niihap 194 ka pamilya ang ni-graduwar sa Pantawid Pamilyang Pilipino Program (4Ps) sa dakbayan sa Pagadian.
Ang 4Ps beneficiaries nga wala na sa programa mao kadtong wala nay sakop sa pamilya nga 0 (zero) ngadto sa 18- anyos nga bata o nakatapos na sa Senior High School ug kadtong giila nga level 3 o gikonsiderar sa maayo na ang ilang panginabuhi base sa pagsubay sa Social Welfare Development Indicator (SWDI) nga gihimo sa Department of Social Welfare and Development (DSWD) Region 9.
Ang SWDI maoy nag-monitor sa kalamboan sa pamilya ug naggiya sa malahutayong kalamboan aron mahaw-as na sa kalisod.
Ang graduation ceremonies gipahigayon sa Executive Function Hall sa Pagadian City Hall kagahapong adlawa.
Sumala ni Atty. Sittie Raifah M. Pamaloy-Hassan ang Regional Director sa DSWD 9 nga naglaom siya nga makabarog na ang mga nigradrawar sa ilang kaugalingon nga wala na ang tabang sa DSWD apan gihupay usab niya ang kabalaka sa mga nipaso pinaagi sa pagpaklaro nga monitoron gihapon sila sa LGU ug uban pang partner agencies alang sa laing programa sa gobyerno nga ilang mapahimuslan.
Gipaklaro usab sa mismong Regional Derector sa sa Department of Social Welfare and Development kon DXWD Region 9 ang pangutana nga gauna karon sa katilingban kon matangagal ba ang mga benepisyaryo sa 4ps nga mubalibad sa pagpabakuna?
Matod pa niya nga Dili matod pa ground kon basihan aron mawagtang sa listahan ang mga benepisyaryo sa 4Ps ang mga benepisyaryo nga mudumili sa pagpamakuna.
Gidugang pa sa Regional Derector nga naa ang DSWD dili aron pagpugus sa mga Benepisyaryo sa 4ps sa pagpamakuna kon dili sa pagpasabot unsay mga kaayuhan kon maturukan sa bakuna.
