199 ka bag-o nga kaso sang covid-19 nagdugang sa Western Visayas, Bacolod may 22 kag Negros Occidental may 41 subong nga adlaw sang Martes

13

Nadugangan sang 199 ka mga bag-o nga kaso sang COVID-19 ang DOH-6 sa Western Visayas subong nga adlaw sang Martes. Base sa COVID-19 case bulletin 186 nga ginpagwa sang DOH-6, sa 199 ka bag-o nga kaso, 192 ang Local cases kag 7 ang LSI.

Nagapanguna sa pinaka madamo nga bag-o nga kaso ang syudad sang Iloilo nga may 93, ginasundan sang Negros Occidental nga may 41, syudad sang Bacolod may 22, probinsya sang Iloilo may 14, probinsya sang Guimaras may 12, Capiz may 9 kag Aklan nga may 8 ka kaso.

Bangud sini, nagsaka na sa 11,413 ang kabug-usan nga kaso sang COVID-19 sa rehiyon kon sa diin 4,161 diri ang active cases.

Naka recover naman sa balatian ang dugang nga 142 ka pasyente rasun naglab-ot na sa 7,009 ang mga nag-ayo sa balatian.

Nagsaka naman sa 243 ang mga napatay matapos nadugangan sang 2 ka pasyente ang ginbawian sang kabuhi bangud sa covid-19.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments