Excited na an mga Surigaonon na moabi-abi sà mga bisita na moabot kuman
Mayo 25-27,2018 para sa pinakadako na International event na primero
mahitabo sa syudad nan Surigao sanan Mindanao, an 1st Surigao Dragon Boat
Race Summer Festival.
Ini partisiparan nan mga nagkalain -lain na mga Dragon Boat teams gikan sa
Luzon , Visayas,Mindanao sanan Overseas pareho nan
Canada,China,Hongkong,Abu Dhabi,Japan sanan Korea.
Sa pagpangandam kuman nan gobyerno sa syudad sa pagpanguyo ni Mayor Ernesto
Matugas iban sa pagsuporta isab nan Dept.of Tourism sanan Bugsay Pilipinas
ini mihimo na nan mga panagtigum sanan koordinasyon sa mga miembro nan
nagkalain laing komitiba para sigurohun na magmalamposon an amu na dako na
event. Tagbutyag isàb nan Supervising Tourism Operations Officer Roselyn
Armida Merlin na jaun nay 28 ka mga partisipante an mikumpirmar na moentra
,10 an gikan sa Mindanao , 8 an gikan Visayas , 4 an sa Luzon sanan 6 an
Overseas samtang may isà ka team gikan sa Japan an taghuyat pa an
kumpirmasyon. Moabot isab sa P2.3M kapin an tagtagana na budget para sa amu
na aktibidad diin adto ipahimutang sa may Surigao City Boulevard.
