Yellow alert, nakataas na sa Quezon City kasunod ng banta ng Bagyong Auring

Itinaas na sa yellow alert ang antas ng paghahanda sa Quezon City sa harap ng banta ng Bagyong Auring.

Ayon sa Quezon City Disaster Risk Reduction Management Office (DRRMO), nakahanda na ang lahat ng kanilang mga tauhan sa sandaling kailanganin.

Naka-standby na rin ang mga kagamitan sa pag-rescue kung kakailanganin sa paglilikas sa mga madaling bahaing lugar.