Kapin 2.6 milyones pesos nga tabang pinansyal pang negosyo ang gidawat sa kagamhanang lokal sa Cagayan de Oro gikan sa Department of Social Welfare and Development Office o DSWD Region 10.
Ang maong tabang pinansyal kabahin sa Sustainable Livelihood Program sa DSWD 10 alang sa pito ka mga grupo ning syudad kinsa mga benepesyaryo sa Pantawid Pamilyang Pilipino Program kon 4Ps.
Ang tseke pormal nga gidawat ni Kagawad Yan Lam ‘Alam’ Lim, kinsa maoy presidente sa Liga ng mga Barangay, kauban si City Administrator Teddy Sabuga-a Jr. atol sa pagpakayab sa nasudnong bandila sa City Hall niadtong Lunes.
Matud sa Cagayan de Oro City Information Office nga rice retail and wholesale ug ginger farming kon pagtanom sa luy-a ang napili nga negosyo sa maong mga grupo gikan sa barangay Kauswagan nga nakadawat og 260-mil pesos, Barangay Bulua dunay 580-mil pesos, Barangay Camaman-an nakadawat og 270-mil pesos, Barangay Nazareth gigahinan og 300-mil pesos, Barangay Balulang dunay 340-mil pesos, Barangay Carmen nakakuha og 260-mil pesos ug Barangay Indahag dunay 600-mil pesos.
Mahinumduman nga mobalor na sa kapin 8.3 milyones pesos nga pundo ang nahatag sa DSWD 10 nga capital pang-negosyo alang sa nagkadaiyang grupo o’ asosasyon sa 4Ps sa tibook syudad gikan Enero ning tuiga.
