iFM Laoag – Nasugsugatan ti dua a menor de edad a lalaki iti ili ti Banna, Ilocos Norte kalpasan a pinangpangpang-or ti maysa a lalaki.
Nabigbig ti suspek a nangpang or kadagiti dua a menor de edad na ni Mr. Noriel Bautista y Dadi, agtawen ti duapulo ket lima, awanan ti asawa ken residente iti Barangay Caray iti ili ti Nueva Era.
Segun ti imbestigasion iti PNP Banna dagiti menor de edad ket nakalugan ti kurong kurong a mapan sumarungkar iti kadwa da iti Brgy. Macayepyep iti metlaeng nasao nga ili.
Idin ta bayat a dumaldalyasat ti kurong kurong a lugan dagiti menor de edad iti kalsada ket ditoy sinagang ida ti suspek ken maipagarop minalona ida nga usar ti maysa a kayo.
Iti daytoy nagsagaba dagiti menor de edad ti sugsugat ken agdama a maag agasan ti maysa iti Mariano Marcos Memorial Hospital and Medical Center iti siudad ti Batac gapu iti nakana a sinagaba ti mata ken agong na.
Nagtalinaed met ti suspek iti kustodiar ti PNP Banna para iti inquest proceedings na ita nga aldaw ken para iti frustrated murder a reklamo kontra kenkuana. (Joe Anne Agustin, RMN News)
