General Santos City–Duha ka angulo karon ang gina tan-aw sa Police Station 8 sa pagpamusil patay sa wala mailhing suspect sa usa ka drug surrenderee nga nailang si Marco Mel Mangondili, 37, nga nanimuyo sa Prk 5-A, Barangay Katangawan, Gensan alas 8:00 ang takna sa gabie sa nakalabayng adlaw.
Sumala pa ni Police Chief Inspector Yul Hilado, Chief Of Police sa Police Station 8 nga ang pagkalambigit niini sa droga ug personal grudge ang duha sa daghang motibo karon nga ilang gisundan kabahin na sa pagpamusil patay sa nasangpit nga biktima.
Dugang pa niini nga kanhi nang misurrender ang nasangpit nga suspect sa ilahang estasyon tungod sa pag ka lambigit niini sa iligal nga druga ingon man daghan na usab kini ug nakalaban sa ilahang lugar tungod matud pa sa batasan niini.
Gikumperma usab ni Hilado nga kanhi nang nadunggaban ang biktima diin suspek niini ang iyang nakainom kaniadto. Nakasuhan na usab ang nasangpit nga suspetsado ug kasamtangan na karon nga nagtago-tago human nga nakagawas na ang warrant of arrest sa kasong gipasang-at sa biktima.
Sa karon aduna na matud pay mga person of interest ang kapulisan ug naga-pangalap nalang sila ug saktong ebidensya aron nga mapasakaan ug kaso ang suspect. (Dave Silagan)
