2 arestao, shabu valor de P100,000 confiscao

Maga pulis del Tetuan Police Station ya confisca 16 paquete de shabu durante el buy-bust operation ya conduci na Talon-Talon del dia de Pascua.
Ya puede tambien maga pulis aresta con el dos persona quien alegaomente conosido como maga drug pusher na lugar.
El pulis ya nombra con e dosl arestao suspechao drug pusher como canda Fizar Aharijan y Dullang, alias Alfie, 36 anios de edad y si Nijal Abdulla y Faisal, 23, anios de edad, ambos maga vendor de Talon-Talon.
Asegun na reort del pulis el maga confiscao shabu ya alcansa valor del P100,000.
Maga pulis ya puede tambien recobri con el boodle marked money desde na possession del maga suspechao.
Con el dos suspechao ya detene na estacion del Tetuan mientras con el maga shabu ya entrega na PNP Crime Laboratory.
Maga pulis ta prepara ya el caso del violacion del section 5 y 11 del Acto Republica 9165 contra con el dos suspechao.