Davao City – 33 ka mga balay ang naugdaw, samtang 6 ang partially ug slighty damage sa sunog sa Km. 14, Sunrise Vill., Panacan, syudad sa Davao niadtong Agosto 27 ning tuiga adlaw’ng Huwebes.
Gibutyag ni F/Insp. Richard Quiboquibo, Chief Operation sa Davao City Fire District, nigula sa inbestigasyon nga giingong duha (2) ka mga bata nga nagdula og butane gas stove, ang hinungdan sa sunog.
“Base sa investigator naay mga batang nagdula’g gas stove using butane.Gi-on to nila ug gidula-dulaan nila hangtod niabot sa ilahang kurtina, didto nagsugod na nitakod dayon ang kalayo,” segun niini.
Anaa sa P7,263,000 ang damyos sa sunog base sa assessment sa City Social Welfare and Development Office, matud ni Quiboquibo.
Hugot nga nagpahimangno karon ang BFP sa mga ginikanan nga ipalayo ang mga flamable nga butang sama sa kandila, gas stove, posporo sa mga bata aron dili masubli ang susamang fire incident. Nantunolan na usab ang mga pamilyang na-displaced sa sunog og mga ayuda gikan sa lokal nga panggamhanan.
RadyoMaN Aimee Guinita
